§71, Alm.del - 2023-24 - Bilag 49: § 71-tilsynets endelige tilsynsrapport for anmeldt tilsynsbesøg den 7/9-2023 på Angerlarsimaffik Aja i Nuuk, Grønland (tilsynsbesøg nr. 3)

Tilsynet i henhold til grundlovens § 71 2023-24
§71 Alm.del Bilag 49
Offentligt

Nuummi Angerlarsimaffik Aja-mut nakkutilliilluni

alakkaaneq pillugu nalunaarusiaq (Nakkutilliilluni

alakkaaneq 3)

1. Aallaqqaasiut

Sisamanngornermi 7. september 2023 § 71 naapertorlugu

nakkutilliiartortut siumut nalunaarutigeriikkaminnik Nuummi

Angerlarsimaffik Aja-mut nakkutilliiartorlutik alakkaapput.

§ 71 naapertorlugu nakkutilliiartoqataapput nakkutilliisunut

siulittaasup tullia Camilla Fabricius (S), Theresa Berg Andersen

(SF), Alexander Ryle (LA), Stinus Lindgren (RV) aamma Aaja

Chemnitz (IA).

Taakku saniatigut peqataapput ataatsimiititaliap pisortaa Lis

Grønnegaard Rasmussen, ataatsimiititaliap allattaa Charlotte

Avnsted-Vilman, ataatsimiititaliami assisstenti Gitte Ravn Jensen

aamma oqalutsi.

Aallaqqaasiutigalugu nakkutilliisut ataatsimeeqatigivaat Heidi

Trondheim Egede aamma Inalunguak Møller. Alakkaanerup

nalaani angerlarsimaffik forstander-eqanngilaq, aamma sulisut

arlallit suliunnaarsimapput.

Sulisut oqaluttuarput angerlarsimaffimmi ulluinnaat ingerlasar-

neri pillugit sunillu unammilligassaqartarnertik pillugu. Anger-

larsimaffik isumaginninnikkut tarnikkut neqeroorutaavoq, suli-

sullu naliliinerat malillugu tamatigut inuusuttut ajornartorsiu-

taannut tulluartumik aaqqiiniarnissaminnut periarfissaqartaratik.

Ilaatigut ajornartorsiutaavoq najugaqartut ukiumikkut nikinga-

nerujussuat aammalu inuusuttut arlallit sakkortuumik avammut

qisuariaateqartarnerat.

2. Nakkutilliiviup oqaaseqaataa

Nakkutilliisut aarlerinartoqartippaat sulisut paasissutissiimmata

pisuni ilaatigut pisariaqartarsimammat meeqqat inuusuttullu

natermut nallartinneqartanrnerat, tamanna meeqqanut

inuusuttunullu timikkut sakkortuumik iliorfiginninnerummat.

Nakkutilliisut kajumissaarutigivaat periutsip tamatuma

allanngortinneqarnissaa.

Nakkutilliisuttaaq ernummatigaat piginnaasaqarluartunik

suliamullu tunngasumik ilinniarsimasunik atorfinitsitsiniarneq

ajornakusoortinneqarmat, uanimi pineqarmata meeqqat

inuusuttullu imaannaanngitsorujussuarmik atugaqartut aammalu

immikkut ikiorneqarnissamik tapersersorneqarnissamillu

pisariaqartitsisut. Nakkutilliisut maluginiarpaat Angerlarsimaffik

25. april 2024

§ 71-tilsynet

Charlotte Avnsted-

Vilman

Udvalgssekretær

charlotte.avnsted-

[email protected]

Tlf. 33373648

Folketinget

Christiansborg

1240 København

3337 5500

[email protected]

www.ft.dk

Side 1 | 8

§71, Alm.del - 2023-24 - Bilag 49: § 71-tilsynets endelige tilsynsrapport for anmeldt tilsynsbesøg den 7/9-2023 på Angerlarsimaffik Aja i Nuuk, Grønland (tilsynsbesøg nr. 3)

Ajami sulisuusut sapinngisartik atorlugu meeqqat inuusuttullu

toqqissisimanartumik aalaakkaasumillu ulluinnaqartinnissaat

sulissutigisaraat, sinaakkutaasut atorsinnaasatik iluaqutigalugit.

Nakkutilliisut ajunngitsutut nalilerpaat sulisut

upalungaarsimaffigeqqissaarmassuk qanoq angerlarsimaffimmi

ineqartuusut agguataarlugit inissinneqarnissaat, inuusuttut arlallit

assigiinngitsunik tarnikkut suussusersineqarnikumik

nappaateqarmata.

Inissiisarfimmi pingaarutilerujussuuvoq atugarissaartoqassappat

tamakkuninnga aamma sulisut isumaliuuteqartarnissaat.

Nakkutilliisuttaaq ajunngitsutut nalilerpaat angerlarsimaffimmi

sulisut ataavartumik isumaliuuteqartarmata qanoq ilillutik

meeqqat inuusuttullu naaperiarnissaannik, kimigiiserfigineqartutut

misigitinnaveersaarlugit, pingaaruteqarmat tatiginninerup

sanarfeqqaarnissaa, sulisut meeqqamut imaluunniit inuusuttumut

isumaginninnermi perorsaanermik suliamik aallartitsinnginnerini.

Naggataatigut nakkutilliisut ajunngitsutut nalilerpaat sulisut

meeqqanut ilaquttaminnut pissutsit assigiinngitsut peqqutaallutik

attaveqanngitsunut ukkatarinnittarnerat ullorsiortoqartillugu il.il.

3. Nuummi Angerlarsimaffik Aja naatsumik

Aja ulloq unnuarlu angerlarsimaffiuvoq nalinginnaasumik silasso-

rissunut. meeqqanullu qulaajaaffigineqareersimasunut aammma

inuusuttunut tarnimikkut ajornartorsiutillinnut. Sullinniakkat

ilisarnaatigaat peroriartorsimagamik aaqqissuussaanermik amin-

gaateqarlutik sumiginnangaallutillu, kinaassutsikkut akornute-

qarneq, tarnikkut nappaatit assigiinngitsut, attaveqarniarnermi

ajornartorsiuteqarneq, meeqqat inuusuttullu tarnikkut mianer-

nartut, soorlu annikitsumik imminut naleqartinneq aamma immi-

nut tatigineq appasittoq, inooqatigiinniarnermi ilikkagaqarniar-

nermilu ajornartorsiuteqarneq, qisuariartaatsikkut imminut aqup-

piarsinnaannginneq aamma kinguneqaataasinnaasunik appasis-

sumik paasinninneq, aamma isumassorneqarnissamik pisariaqar-

titsineq, aaqqissuussaanermik, inersimasunut patajaatsumik atta-

veqarneq katsorsaariaatsillu assigiinngitsut.

Nakkutilliilluni alakkaanissaq sioqqullugu angerlarsimaffiup na-

lunaarutigaa Aja katillugit 13-nik inissaateqartoq, immikkoortor-

tanut agguataarsimasunik, immikkoortortaq niviarsiaqqanut si-

samanut nukappiaqqanullu sisamanut inissalik, immikkoortortaq

pingasunut inissalik, kiisalu illup avataani marlunnut inissalik.

Ukioqatigiiaat aallaavittut 14-17-nik ukioqarput. Immikkut innar-

luutilinnut immikkoortortaq marlunnut inissalik. Nakkutilliisunut

kingusinnerusukkut nalunaarutigineqarpoq Aja meeqqanut 14-inut

inissaqartoq, alakkaanerullu nalaani 14-inik inisimasoqartoq.

Side 2 | 8

§71, Alm.del - 2023-24 - Bilag 49: § 71-tilsynets endelige tilsynsrapport for anmeldt tilsynsbesøg den 7/9-2023 på Angerlarsimaffik Aja i Nuuk, Grønland (tilsynsbesøg nr. 3)

Nakkutilliilluni alakkaanissaq sioqqullugu aamma nalunaarutigi-

neqarpoq meeqqat inuusutttullu 14-26 akornanni ukiullit Ajami

najugaqartut, aammalu Holbøllsvej-imi meeqqat inuusuttullu 14-

24 akornanni ukiullit najugaqartut, kiisalu ataaseq 30-nik aamma

ataaseq 43-nik ukiulik.

Aja pingasunik immikkoortortaqarpoq. Immikkoortortami angi-

suumi iserterlaat najugaqartarput. Nammineerlutik inuunissamin-

nut piariilersut immikkoortumi mikinermi najugaqarput. Inersi-

masut Holbøllsvej-imi najugaqarput.

Aja neqerooruteqartarpoq inuusuttunut 18-23-it akornanni

ukiulinnut malitseqartitsinermik. Malitseqartitsineq angerlar-

simaffimmi tamakkiisumik najugaqartitaanermi pisarpoq.

Angerlarsimaffik Aja Namminersorlutik Oqartussanit pigine-

qarpoq Inunnik Isumaginninnermut Aqutsisoqarfiup ataaniilluni.

Isumannaallisagaanngitsutut ulloq unnuarlu paaqqinnittarfiuvoq,

Meeqqanut ulloq unnuarlu paaqqinniffinnik pilersitsineq

ingerlatsinerlu pillugit Namminersorlutik Oqartussat

nalunaarutaat § 1, imm. 1, nr. 1 aamma § 1, imm. 2, nr. 1 naaper-

torlugu.

Angerlarsimaffik immikkoortortaqarpoq innarluutilinnut Inuit

innarluutillit tapersersorneqarnissaannut Inatsisartut inatsisaat tun-

ngavigalugu.

Ajami inunnik perorsaanermi avatangiisinik illersugaasunik piler-

sitsinissaq siunertaavoq, najugallit nammineq sukkassusertik ma-

lillugu ineriartorsinnaassapput, taamaalillutik nammineq killissa-

tik, misigissutsitik pisariaqartitatillu pitsaanerusumik angussavaat.

Sakkortuumik misigisaqarnerit kingorna qisuariaatit alapernaan-

neqarput aamma najugallit ilikkagaqarnissaminnut ineriartornissa-

minnullu tapersersorneqartarput. Najugallit ulluinnarni unamilli-

gassaminnik artorsannginnissaat Ajap aamma pingaartitaraa aam-

ma atassuteqarnerit assigiinngitsut qanoq aqunnissaanut sungiu-

saasarpoq, ukioqatiminnik ikinnguteqarnissamut piginnaasaasa

ilanngullugit sungiusarneqartarput. Kiisalu naggataatigut najuga-

qartut siunissami paaqqinnittarfimmiikkunnaarunik nammineer-

lutik inuuneqarlutik akisussaaffimmik tigusisinnaanngortillugit

piginnaasamikkut pisussaaffimmikkullu sungiusarneqarnissaat

siunertaavoq.

Ajami inunnik perorsaanermi nammineersinnaassuseqalersitsineq

tunngaviusumik oqariartaasiuvoq. Nammineersinnaassuseqaler-

sitsineq ima allaaserineqarpoq; najugaqartup qanoq iliorsinnaan-

Side 3 | 8

§71, Alm.del - 2023-24 - Bilag 49: § 71-tilsynets endelige tilsynsrapport for anmeldt tilsynsbesøg den 7/9-2023 på Angerlarsimaffik Aja i Nuuk, Grønland (tilsynsbesøg nr. 3)

nginnermik misigissuseqartarnini pillugu akiuunnissamut taper-

sersorneqassaaq aamma nammineq inuunermini periarfissat

salliullugit nammineq naleqassutsiminik aqussinnaanerminillu

misigissuseqalersinneqartassaaq. Ajami immikkoortut assigiin-

ngitsut ataatsimuulersillugit inunnik perorsaasoqartarpoq. Tassa

imaappoq, najugaqartut ataasiakkaat unammilligassaat immik-

kuullarissut aamma inissisimaffia aallaavigalugit perorsaariaatsit

assigiinngitsut Ajap ataqatigiissittarpai. Atassuteqarsinnaassutsi-

mut attaveqarsinnaassutsimullu suliniutit Ajap sullissinerani tun-

ngaviulluinnarput; najugaqartut sulisullu akornanni taakkua eqqis-

sisimanartumik atassuteqalersitsisarput taamaalillutik perorsaa-

riaatsinut allanut sunniuteqarsinnaaneri taamaalillutik tunngavi-

lerneqartarput.

Toqqissisimanartumik angerlarsimarfippalaartumillu isumassui-

soqarluni aaqqissuussaasumik, malittarisassalimmik erseqqis-

sumillu killiliisarluni avatangiiseqarnissaq pilersissallugu Ajap

immikkut ittumik pingaartitaraa. Inunnik perorsaalluni suliniu-

teqarnermi pinngortitaq atorlugu sammisaqartitsinerit akuttunngit-

sumik Ajap sinaakkutitut atortarpai.

Qulaajaanermi katsorsaanermilu DIH-mi Tarnikkut nappaatilinnut

Immikkoortortaq Ajap suleqatigaa. Taamaattorli meeqqanut tar-

nikkut nappaatilinnut immikkoortortaqarfeqanngilaq, taamaattu-

millu meeqqat Nuummi napparsimavimmi meeqqanut immik-

koortortami amerlanertigut unitsinneqartarput. Nakkutilliilluni

alakkaanerup nalaani Ajami inuusuttut arfinillit najugallit tarnik-

kut qulaajaaffigineqarsimapput.

Tamatuma saniatigut najukkami atuarfinnik suliffeqarfinnillu

pitsaasumik suleqateqarneq Ajap anguniartuarpaa.

Aja periarfissaqarpoq angerlarsimaffiup ulluinnaasa avataani

aallaarsimaartitsinissamut suliniuteqarnissamullu.

Aja-mi sulisuupput perorsaasut pingasut, isumaginninnermi

assistenti ataaseq, isumaginninnermi ikiorti ataaseq, ilinniartoq

ataaseq kiisalu ikiortit aqqanillit. Sulisut naliliipput, sulisoqarneq

ataatsimut isigalugu ajunngitsoq, kisianni ajornakusoorsinnaasar-

toq unnuakkut aalajangersimasunik pingaartussarsiniartarneq.

4. Nakkutilliisut alakkarterinerat

Nakkutilliisut angerlarsimaffimmi alakkarterisinneqarput. Nakku-

tilliisut marlunngorlutik avipput, inuusuttunut inituallaannginnis-

sartik siunertaralugu.

Angerlarsimaffik kusanarpoq eqqiluillunilu. Nakkutilliisut alak-

karpaat ini isersimaartarfiusoq, teqeqqulik TV-mik isiginnaarfiu-

Side 4 | 8

§71, Alm.del - 2023-24 - Bilag 49: § 71-tilsynets endelige tilsynsrapport for anmeldt tilsynsbesøg den 7/9-2023 på Angerlarsimaffik Aja i Nuuk, Grønland (tilsynsbesøg nr. 3)

sinnaasumik. Nakkutilliisut aamma alakkarpaat ineeqqat arlallit.

Sulisut oqaluttuarput, inuusuttut namminneerlutik ineeqqatik to-

rersuutittussaagaat. Nukappiaqqat niviarsiaqqallu avissaaqqatin-

neqarput.

Ineeqqat mikipput kusanarlutilli. Inuusuttut sisamat uffarfimmik

perusuersartarfimmillu katussaqarput. Ineeqqani pujortaqqusaa-

voq 18-nik ukioqalereersimagaanni. 18-it ataallugit ukiullit ineeq-

qaminni pujortaqqusaanngillat.

Sulisut oqaluttuarput eqqumaffigisorujuugitsik inuusuttut qanoq

katitertarneri pillugit. Inuusuttut arlallit tarnikkut assigiinngitsu-

nik nappaateqarput, taamaattumillu pingaaruteqarpoq sulisut isu-

maliutigisassagaat qanoq ilillutik inuusuttunut saaffiginnittarnis-

sartik, tatineqartutut misigissanngimmata. Akuttunngitsumik

inuusuttut akunnerminni aaqqiagiinngissuteqartarput.

Kiisalu init marluk paarnaaqqasut, tassaasut toqqorsivik aamma

ilinniartitsivik. Sannaveqarpoq aamma paarnaarsimasumik ator-

neqanngikkaagat, isumannaallisaaniarnermik tunngavilimmik.

Igaffeqarpoq, tassani nerisassiorneq pisarluni. Igaffimmi matut

aamma sillimaniarnermik pissuteqartumik paarnaarsinnaapput.

Sulisunut aamma ineqarpoq qimaaviusinnaasumik, tassani

pingaartoq unnuisarpoq. Sulisut oqaluttuarput tamatumunnga ata-

tillugu, pisariaqartoq, isumannaallisaanerup ukkanneqarnissaa,

inuusuttut amerlasuut avammut sakkortuumik qisuariaateqarsin-

naasarmata. Assersuutigalugu kuglepenne-nik peqaqqusaanngi-

laq, soorlu aamma qiuutit saviillu paarnaarsimasumiitinneqartut.

Sulisut sillimaniarnermut ilinniartinneqartarput.

Nakorsaatit sikaavimmi qisuusumi paarnaarsimasumiitinneqarput,

taanna allaffimmiippoq. Inuusuttut attaveqaatigisaasa inuusuttut

nakorsaataat aquppaat.

Inuusuttut pillugit pilersaarutit allaffimmiipput, paarnaaqqasumi,

sulisunik najuuttoqartinnagu.

Nakkutilliisut inuusuttut marluk angerlarsimaffimmi najugallit

oqaloqatigaat. Nalinginnaasumik Aja-miinnertik ajorinngilaat.

Inuusuttup aappa skizofren-eqarpoq, ukiunilu marlunni tamaani

najugaqarsimalluni. Inuusuttut marluk tamarmik oqaatigaat pigin-

naatitaaffitik pillugit ilisimatinneqarnikuullutik. Kisiannili ilaqut-

tatik maqaasivaat.

Side 5 | 8

§71, Alm.del - 2023-24 - Bilag 49: § 71-tilsynets endelige tilsynsrapport for anmeldt tilsynsbesøg den 7/9-2023 på Angerlarsimaffik Aja i Nuuk, Grønland (tilsynsbesøg nr. 3)

5. Tamalaat

Sulisut oqaluttuarput, angerlarsimaffimmi najugaqartut akornanni

inuusuttut amerlasuut qajannartuusut. Angerlarsimaffik Kalaallit

Nunaanni asseqanngilaq.

Persorsaasut atorfeqartut amerlavallaanngillat. Sulisussanik sulia-

mut ilinniarsimasunik pissarsiniarneq ajornakusoorpoq, tamanalu

ajornartorsiutaavoq, sullinniakkammi oqimaatsuummata.

Sulisunut pingaaruteqarpoq, inuusuttunut maligassiuisutut inissi-

simassallutik.

Sulisut oqaluttuaraat, amerlasuutigut inuusuttut oqaaseqartinniar-

neri ajornakusoortuusoq. Sulisut iliuuseqartarput inuusuttut sam-

misassaqartinniarlugit, taamaaliornikkut oqaaseqartinnissaat a-

jornannginnerusarmat. Inuusuttut arlallit kinguaassiutitigut ator-

nerlugaasimapput, aamma arlallit perlilerneq misigisimavaat. Taa-

maattumik pingaaruteqarpoq inuusuttut naapinnissaat sumiiffianni

tatiniarsarinagillu piumanngiffiisigut.

Tamanna aamma isumaqarpoq, piumasaqaataanngimmat inuusut-

tut atuarnissaat. Inuusuttunulli periarfissaavoq sapaatip akunnera-

nut akunnerni arlalialunnguani sulinissamut, piumagunik. Sulisi-

magunik akissarsisinneqartarput. Tamatuma saniatigut kaasarfim-

miussinneqartarlutillu atisassarsiutisiaqartinneqartarput. Sulisut

ikiuuttarput aningaasanik aqutsinissaannik. Inuusuttut 18-it ataal-

lugit ukiullit eqqarsaatigalugit taakku sapaatip akunneranut pinga-

soriarlutik aningaasanik pisarput. Tamanna pissuteqarpoq anin-

gaasat ikiaroornartumut atorneqannginnissaannik.

Ulloq unnuarlu kaajallallugu nerisassamik pissarsisinnaapput,

aamma aalajangersimasumik piffissamik siniffissaqanngilaq,

inuusuttullu sinissinnaapput iternissamik tungaanut. Matut am-

maannartuupput, angerlarsimaffillu qimassinnaavaat piumagu-

nik. Taamaattorli isumannaallisaaneq eqqarsaatigalugu matut nal.

23.00 paarnaarneqartarput avataaniit isertoqannginnissaa siuner-

taralugu.

Sulisut nalilerpaat inuusuttut periarfissaqartut inuusuttutut inuu-

nissaminnut, aamma sunniuteqarsinnaapput angerlarsimaffimmi

sunik sammisassaqartitsisoqarnissaa pillugu. Assersuutigalugu

café-mukartoqartarpoq aamma naluttarfimmut nalukkiartoqar-

tarpoq.

Inuusuttut inuuissioraagata kaffillertoqartarpoq, inuusuttut ikin-

ngutiminnik ilaquttaminnillu qaaqqusisinnaatillugit. Angajoq-

qaalli tamarmik periarfissaqarneq ajorput peqataanissaminnut.

Taamatumani pissutaasinnaavoq ungasissorsuarmi najugaqarneq

Side 6 | 8

§71, Alm.del - 2023-24 - Bilag 49: § 71-tilsynets endelige tilsynsrapport for anmeldt tilsynsbesøg den 7/9-2023 på Angerlarsimaffik Aja i Nuuk, Grønland (tilsynsbesøg nr. 3)

aammali imaassinnaalluni angajoqqaat nukissaqanngitsut peqa-

taanissaminnut. Tamanna taarserniarlugu sulisut iliuuseqarluar-

tarput.

Inuusuttut arlallit Aja-mi najugaqartut illoqarfinnit allanit agger-

suupput. Inuusuttut pisinnaatitaaffigaat ukiumut marloriarlutik

ilaquttaminnut tikeraarsinnaanertik, sulisunik ingiaqateqarlutik.

Sulisut oqaluttuarput akuttunngitsumik inuusuttunut pissaaner-

mik atuisoqartariaqartartoq, sulisullu ilaannikkut inuusuttunik

natermut paagussisariaqartartut. Pisulli ilaatigut aamma sulisut

politiinik ikiortissarsiortarput, inuusuttoq immikkut ulorianar-

tumik pissusilersortillugu.

Nakkutilliisut apeqqutigaat, pinngitsaaliissummik inissiisarnerit

amerlanersut inuusuttut akornanni. Sulisut akissutigaat, tamanna

pisinnaasartoq. Tunngaviusumilli sulisut isumaqarput, sullinniak-

katik sapernartuusut, aammalu tamatigut suliamut tunngatillugu

piginnaasat pigisanngikkitik. Sulisussanik pissarsiniarneq ajor-

nakusoorpoq, ulluinnarnilu pissutsit ilaatigut imaannaaneq

ajorput.

Sulisut tikkuarpaat aamma, illup ataatsip iluani meeqqat inuu-

suttullu ataatsimoortinneqarnerat. Inersimasut inituallaartillugit

inuusuttunik sullissiniarneq ajornakusoorsinnaasarmat.

Sulisut aamma oqaluttuaraat, kinguaassiutitigut atoqatigiinnermi

illersuutit atorneqarnissaat ukkatarineqartoq. Inuusuttut akornan-

ni atortittartuuneq ajornartorsiutaavoq angisooq. Inuusuttut ilaasa

atisaqaratik assitik tuniniartarpaat internet aqqutigalugu,

tamannalu pillugu sulisut inuusuttunik oqaloqatiginnittarput

killissat pillugit

–

annerpaamik illersorniarlugit. Inuusuttunut

ajornakusoorsinnaasarpoq paasissallugu tamakku qanoq kingune-

qarsinnaaneri siunissami, assersuutigalugu atisaqarani assinik

tunisaqartaraanni.

Nakkutilliilluni alakkaanissaq sioqqullugu Aja-p paasissutissiis-

sutigaa ukiumi kingullermi 6-7-eriarluni pissaanermik atuisoqar-

simasoq. Ilaatigut imigassartorsimatilluni kamarujussuartoqarne-

rani, imaluunniit inuusuttup piumasani pisinnaasimanagu. Pisup

pereernerisa kingorna tamatigut inuusuttut oqaloqateqarnissamin-

nut periarfissaqarput.

Aja oqaatsinik atuinissamut politikkeqarpoq, najugaqartullu pillu-

git sulisut ammut isiginninniutinik oqaloqqusaanngillat.

Aja-mi aamma illup iluani malittarisassaqarpoq. Sulisut pingaar-

tippaat, immikkoortortani tamani toqqissisimanartuussasoq. As-

Side 7 | 8

§71, Alm.del - 2023-24 - Bilag 49: § 71-tilsynets endelige tilsynsrapport for anmeldt tilsynsbesøg den 7/9-2023 på Angerlarsimaffik Aja i Nuuk, Grønland (tilsynsbesøg nr. 3)

sersuutigalugu ataatsimoornerni mobiltelefoneqaqqusaanngilaq.

Nal. 21.00 kingorna errorsivik atorneqaqqusaanngilaq.

Inuusuttut Aja-mut iserteraangamik illup iluani ileqqorissaarnis-

samut malittarisassanik pisarput, sulisuniillu oqaluttuunneqartar-

lutik, malittarisassat suut atuunnersut. Ileqqorissaarnissamut ma-

littarisassat ingerlaavartumik qaqinneqartarput.

Inuusuttut tamarmik nal. 23.00 ineeqqaminneereersimassapput.

Tamatuma kingornatigut TV-mik isiginnaartoqarsinnaanngilaq,

sammisassaqarnerillu tamarmik unitsinneqarsimassallutik. Aja-

mut pulaarfissat piffissat aalajangersimasuupput.

Immikkoortortami anginermi nal. 07.00-miit 23.00-ip tungaanut

internet-imut attaveqartarpoq. Immikkoortortami mikinermi

aamma Holbøllsvej-imiittumi ulloq unnuarlu kaajallallugu inter-

net-imut attaveqarpoq.

Sulisut aamma oqaluttuaraat angerlarsimaffimmi imigassamik,

ikiaroornartumik il.il. eqqussisoqaqqusaanngitsoq. Sulisut paasi-

saqartillutik arsaarinnittarput.

Nakkutilliisut apeqqutigaat angerlarsimaffiup inuusuttut angajoq-

qaavinik suleqateqarnera. Sulisut akipput toqqaannartumik anga-

joqqaat akulerutsinneqarneq ajortut.

[Dette er en oversættelse. I tvivlsspørgsmål henviser vi til den danske original].

Nutsigaavoq. Nalorniguit qallunaatuua takuuk.

Side 8 | 8