11. Oktober 2022
UKA2022_114
Kalaallit Nunaanni sullivimmi avatangiisinut inatsisip allanngortinneqarnissaanut inatsisissatut
siunnersuutip (Sullivimmi tarnikkut avatangiisit, isumannaatsuuneq aamma peqqinneq pillugit
suliffeqarfiup suleqataanera, sulliviit naliliiffigineqartarnerinut piumasaqaatinik sukaterineq,
Sullivinnik Nakkutilliisoqarfiup qisuariaateqarnissamut periarfissaanik annertusaaneq,
paasissutissanik katersuineq, suliarinninneq aamma ingerlatitseqqiineq, suliffeqarfinnik
isumaqatigiissuteqartarnerup ingerlasarnera, pillaatissiissutinik sakkortunerulersitsineq il.il.)
Namminersorlutik Oqartussanit akuersissutigineqarnissaa pillugu Inatsisartut aalajangiiffigisassaat
(Isumaginninnermut, Suliffeqarnermut Nunamullu Namminermut Naalakkersuisoq)
Siumumiit suliniutigiuassavarput innuttaasut peqqinnissakkut inooqatigiinnikkullu pitsaanerpaamik
sullinneqarnissaat atugaqarnissaallu, tamanna aamma suliffeqarnikkut avatangiisitugut atuuppoq.
Innuttaasut tamatta peqqinnartumik inuuneqarnissarput nammineq akisussaaffigaarput. Innuttaasut
tamatta minnerunngitsumillu sulisitsisutut pisussaaffigaarput inoqatitta sulisullu peqqinnartumik
inuunissaannut aqqutissiuusseqataassalluta.
Siumup anguniarpaa Kikkut tamarmik naleqquttumik suliffeqarnissaat, kikkullu tamarmik
peqqinnartumik suliffeqarnissaat peqqinnartumillu avatangiiseqarnissaat pingaartitaraarput.
Suliffeqarfimmi Peqqissuuneq, Torersuuneq, Qiimasuuneq, Akisussaaffeqarneq
–
tassaasarput
sulinissamik kajumilersitsisartut pingaarutillit. Suliffiup avatangiisitigut pitsaasumik
aaqqissuussaanikkut pingaartinneqaraangami suliffik kajuminnartuusarpoq.
Sulerulunneq ilaatigullu sulerusussuseerunneq tassaasarpoq peqqinnanngitsumik avatangiiseqarneq,
ass. Silaannalunneq oqummilluunniit eqqugaasimaneq, kiisalu aamma takornartaanngilaq illut
pisoqalivallaat aserfallatsaaliorneqarnikuunngitsut kiisalu aamma sulliseqarnermikkut akukkamikkut
pitsaanngitsumik inissisimaneq, tamatumalu kingunerisarpaa napparsimaqqajaaneq, suliffimmullu
kajumissuseqannginneq.
Siunnersuuteqartup nammineq oqariartuutigaa, Napparsimaneq aammalu taamatut napparsimalluni
sulinngittoorneq assigiinngitsunik peqquteqartartoq. Sakkortuumik nuallunneq, toqqusaarlunneq,
nuanneq, kræfteqarneq, uippakajaarneq, isumatsanneq allallu, Nappaatit assigiinngitsuupput
assigiinngitsunillu katsorsartariaallutik. Sulisitsisoq pingaarpoq tamanna sulisumut ilisimaarinninnissai.
Sulisitsisoq tatiginnittoq suliffigissallugu kajungernarnerpaaq.
Siumumiit anguniagaraarput Nunatta aningaasarsiornikkut isumannaatsuunissaa innarlernagu
sulisarnerup sapaatip akunneranut 37,5 time ingerlanneqartalersinnaanera Siumup sulissutigissavaa,
taamaaliorneq naammassisaqarsinnaassutikkut angusaasartunik apparsaarinerussanngippat. Tamanna
aamma nunanisalilerisatsinni misilittagarineqarpoq, takutippaalu assigiinngitsutigut pitsaaquteqartoq.
Sulinerup attanneqarsinnaanera aamma naammassisaqarneruneq anguneqartarsimasoq.
Siumumiit taamak oqaaseqarluta siunnersuut ataatsimiititaliamut susassaqartumut
ingerlateqqinneqarnissaa innersuussutigaara.
Lars Poulsen, Siumut