UPA2022/158
Emanuel Nûko, Naleraq
Uunga siunnersuut: Kalaallit Nunaani eqqartuussisarnermi inatsisip, Meeqqat
inatsiseqartitaanerannik Kalaallit Nunaanni inatsisip, aappariilersarneq
aappariikkunnaartarnerlu pillugit Kalaallit Nunaannut inatsisip aamma aappariinnermi
inatsisitigut kingunerisassat pillugit Kalaallit Nunaannut inatsisip
allanngortinneqarnissaannik inatsit pillugu Inatsisartut aalajangiiffigisassaattut siunnersuut
(Kalaallit Nunaanni kingornussisarneq agguaasarnerlu pillugit inatsisit nutarterneqarnerisa
kingunerisaanik allannguinerit)
(Meeqqanut, Inuusuttunut Ilaqutariinnullu Naalakkersuisoq)
Siullermeernera
2021 ukiakkut ataatsimiinnermi kingornussisarnermik inatsisip, aappariit pigisaasa agguarnerat
pillugu inatsisip, toqusup pigisaasa agguarneqarnerat pillugu inatsisip aamma eqqartuussisarnermik
inatsisip, akiliisinnaajunnaarneq pillugu inatsisip, eqqartuussivikkoortumik nalunaarsuineq pillugu
inatsisip, aappariinnerup inatsisitigut sunniutai pillugit inatsisip kiisalu inatsisit allat
allanngortinneqarnerisa (Toqusup pigisaasa agguarnerat pillugu inatsisip malitsigisaanik
allannguinerit) Kalaallit Nunaanni atuutilersinneqarnerannik peqqussutissatut missingiummut
Namminersorlutik Oqartussat isumaqataanerat pillugu Inatsisartuni aalajangiiffigisassatut
siunnersuut Inatsisinut ataatsimiititaliami suliarineqartussanngorlugu innersuussutigineqarpoq.
Missingiummi inatsisini pineqartuni allannguutissat ataasiakkaat Naleqqamit oqaatigissavarput
isumaqatigigatsigit, taamatullu naatsumik oqaaseqarluta ataatsimiititaliamut susassaqarput
ingerlateqqinneqarnissaa innersuussutigaarput.