UPA 2023/41
19. april 2023
Hans Peter Poulsen
Taarsigassarsisitsisarfinnut aningaasaliisarnermillu ingerlatsivinnut
aningaasaateqarnissamut piumasaqaatit nakkutilliinermullu piumasaqaatit pillugit Kalaallit
Nunaanni inatsisip allanngortinneqarnissaanut siunnersuut ((EU) peqqussut nr. 575/2013
taarsigassarsisitsisarfinnut aningaasaliisarnermillu ingerlatsivinnut nakkutilliinermik
piumasaqaatit) kiisalu aningaasalersuisarnermik ingerlatsineq pillugu inatsisini
assigiinngitsuni aalajangersakkat Kalaallit Nunaannut atuutilersinneqarnissaanik
peqqussummut ilaalernissamut siunnersuut kiisalu aningaasalersuisarnermi suliffiit ilaasa
allatut ilusilersornissaat atorunnaarsinnissaallu pillugu inatsisip allanngortinneqarneranut
inatsisit assigiinngitsut aamma aningaasaqarnermi patajaassuseq pillugu inatsisip
atorunnaarsinneqarnera pillugu inatsisip Kalaallit Nunaannut atuutilersinneqarnerat pillugit
peqqussummut Namminersorlutik Oqartussat ilanngunnissaat pillugu Inatsisartunut
aalajangiiffigisassatut siunnersuut
(Aningaasaqarnermut Naligiissitaanermullu Naalakkersuisoq)
Oqaaseqaat:
Naalakkersuisumit siunnersuutigineqartoq pillugu Siumumiit imaattumik naatsumik oqaaseqassaagut
Nunarsuarmioqataanitsinni pisunut aningaasaqarnerup patajaallisarnissaanut suliniutit ilagisaat
siunnersuummi atuarneqarsinnaavoq.
Aningaasaateqarfiit pataajaatsumik ineriartuutaasumik suliffissaqartitsiniutinillu siunertalimmik
suliaqarnissaanik qulakkeerinninniarneruvoq. Nunarsuarmioqataanitsinni ajornaannerusumik
niueqateqalersinnaanitsinnik periarfissiisussaalluni.
Siunnersuut kunngip peqqussutaanik akuerineqareersumik naleqqussaaneruvoq tamanna Siumumiit
iluarisimaarparput.
Siunnersuummi ilaatigut qulakkeerniarneqarpoq aningaasaateqarfiit attartortissimasaminnit
nalilersueriaasissaanik naleqqussaaneq. Attartorsimasut ajuissuarsinnaaneranut nalilersuutit
ersarissarnerinik imaqarluni.
Tusarniaanerit aammattaaq maluginiarpagut annerusumik oqaaseqarfigineqarsimanngitsoq
tusarniarfigineqartuninngaanniit, tamanna Siumumiit imatut paasivarput atuutilertussat
ippinnartoqartitsinngitsut
Taamatut naatsumik oqaaseqarluta siunnersuut taamatut isikkoqartillugu akuerivarput.
Hans Peter Poulsen, Siumut
1